Salary Structure for the Public Service in Tamil
அரச உத்தியோகத்தர்கள் என்ற வரையில் மாதா மாதம் சம்பளம் ஒன்றினைப் பெற்றுக்கொள்கின்றோம். எமது மாதாந்த சம்பளத்தில் சில தொகைகள் சேர்க்கப்டுகின்றன, இன்னும் சில தொகைகள் கழிக்கப்படுகின்றன, மீதித் தொகை வங்கிக் கணக்கிற்கு மாற்றப்பட்டு சம்மபளப் பட்டியல் என்றொன்று எமது கைகளுக்குத் தரப்படுகின்றன.இந்த சம்பளம் எப்படியான முறைகளில் கணக்கிடப்படுகின்றது, எந்த அடிப்படையில் மாற்றங்களுக்கு உள்ளாகின்றது என்பது குறித்த தௌிவுகள் எம்மில் பலருக்கும் இருப்பதில்லை. இந்த சம்பளப் பட்டியலின் உள்ளடக்கம் குறித்தும் நாங்கள் அறிந்துகொள்வது மிக முக்கியமானதாம்
அந்த அடிப்படையில் அரச உத்தியயோகததர்களின்,
சம்பள அளவுகள்
சம்பளப் பரிமாற்றங்கள்
சம்பளப் பட்டியல்
என்ற அடிப்படையில் பல விடயங்களை ஒவ்வொன்றாக அடுத்தடுத்த பதிவுகளில் நோக்கவிருக்கின்றோம். பரீட்சைகளுக்கும் பயன்படும் அமைப்பில் விரிவாக விளக்கப்படுவதால் சில அத்தியாயங்களாக இந்தப் பதிவு நீண்டு செல்லலாம். எனவே பொறுமையாக வாசித்து புரிந்துகொள்ளுமாறு கேட்டுக்கொள்வதுடன் இந்தப் பதிவுகள் தொடர்பான கேள்விகள் இருக்குமாயின் அவற்றை கீழே உள்ள கொமன்ட் எனும் பகுதியில் பின்னூட்டமிடுமாறு கேட்டுக்கொள்கின்றோம். இந்த பதிவுகள் தாபன விதிக்கோவையில் சம்பளம் தொடர்பாக குறிப்பிடப்பட்டுள்ளவிடயங்கள், அரச சேவைகள் ஆணைக்குழுவின் சம்பளக் கையேடு, சுற்றுநிருபங்கள், கல்வி அமைச்சின் சம்பளம் தொடர்பான சுற்றுநிருபங்கள் என்பவற்றை அடிப்படையாகக் கொண்டு LANKAJOBINFO.COM இணையத்தளத்தினால் தொகுத்துத்தரப்படுகின்றது.
அரச சேவையின் சம்பளம்.
அரச சேவையில் இருக்கின்ற ஒருவருக்கு அவர் செய்கின்ற சேவைக்காக வழங்கப்படுகின்ற பிரதானமான பிரதியீடு சம்பளமாகும். அதன் அடிப்படையில் அரச சேவையில் இருக்கின்ற நிரந்தர, தற்காலிக, அமைய. ஒப்பந்த, நாட்கூலி என்ற அடிப்படைகளில் பணியாற்றுகின்ற உத்தியோகத்தர்களுக்காக தாபன விதிக்கோவை, சுற்றுநிருபங்கள் என்பவற்றின் அடிப்படையில் பல்வேறுபட்ட சம்மபளப் படிநிலைகள் அமைக்கப்பட்டு சம்பளம் வழங்கப்படுகின்றது.
அரச உத்தியோகத்தர்களுக்காக சம்பளம் தயாரிக்கும் கருமம் அரச சேவையின் ஏனைய பணிகள் போன்றே மிகவும் பொறுப்புடன் மேற்கொள்ளவேண்டிய ஒரு பணியாகும். சம்பளப் பரிமாற்றங்கள் மேற்கொள்கின்ற உத்தியோகத்தர்களுக்கு சம்பளம் தொடர்பான விதிமுறைகள் மற்றும் சுற்றுநிருபங்கள் தொடர்பான போதுமான தௌிவின்மை காரணமாக சம்பளப் பரிமாற்றம் தயாரிப்பதில் பிழைகள் ஏற்பட்டு உரிய சம்பளத்தை விட அதிமான சம்பளங்கள் வழங்கிய சந்தர்ப்பங்களும் உரிய சம்பளத்திலும் பார்க்க குறைவான சம்பளம் வழங்கப்படுகின்ற சம்பவங்களும் ஆங்காங்கே காணக்கிடைக்கினறன. எனவே அரச சேவையின் சம்பள பரிமாற்றங்கள் குறித்து அறிந்துகொள்வதன் ஊடாக நாம் பெறுகின்ற சம்பளங்கள் சரியான முறையில் தயாரிக்கப்பட்டுள்ளதா என்பதனைப் பரிசோதித்துப்பார்த்துக்கொள்ள உதவியாக அமையும். இந்தத் தொடர் அதற்கான வழிகாட்டல்களை பூரணமாக உங்களுக்குப் பெற்றுத்தரும்.
அரச உத்தியோகத்தர்களின் சம்பளங்கள் தொடர்பான விதிமுறைகள்.
சம்பளம் தொடர்பான விடயங்களில் அடிப்படையான விதிமுறைகள் தாபனவிதிக் கோவையின் முதலாது தொகுதியின் VII வது அத்தியாயத்தில் குறிப்பிடப்பட்டிருக்கின்றது. அதற்கு மேலதிகமாக அவ்வப்போது மேற்கொள்ளப்படுகின்ற சம்பளத் திருத்தங்கள் தொடர்பில் பொது நிர்வாக அமைச்சின் ஊடாக வௌியிடப்படுகின்ற சுற்றுநிருபங்கள் மற்றும் உரிய அங்கீகாரத்துடன் ஏனைய அரச நிறுவனங்கள் வௌியிடுகின்ற சுற்றுநிருபங்கள் என்பவற்றின் ஊடாக சம்பளம் தொடர்பான விதிமுறைகளை அறிந்துகொள்ளலாம்.
சம்பளம் தொடர்பான பொதுவான விடயங்கள்.
- ஏதேனும் ஒரு பதவிக்கான சம்பளம் மற்றும் சம்பள திட்டங்களை அமைக்கின்ற நடைமுறையானது நடைறையில் உள்ள சம்பள திட்டத்தின் அடிப்படையில் சம்பள ஆணைக்குழுவின் பரிந்துறைக்கு அமைவாாகவும் பொதுத் திறைசேறியின் அங்கீகாரத்துடன் நடைறைப்படுத்தப் படுகின்றது.
- அவ்வாறு அனுமதி வழங்கப்படுகினற சம்பள அளவு அல்லது சம்பளத்திட்டத்தின் அடிப்படையில் சம்பளக் கொடுப்பனவுகள் மேற்கொள்ளப்படும். உரிய அனுமதிகள் பெற்றுக்கொள்ளாத நிலையில் இந்த சம்பளத் திட்டத்தில் மாற்றங்கள் ஏற்படுத்தமுடியாது.
- பொதுத் திறைசேறியின் முகாமை சேவைகள் பணிப்பாளர் நாயத்தினால் அனுமதி வழங்கப்படுகின்ற சம்பளத் திட்டத்தில் உள்ளடங்காத புதிய பதவிகளுக்காக உரிய முறையில் முன்மொழிவுகள் சமர்ப்பிக்கப்பட்டு அவற்றுக்கான அனுமதிகள் பெறப்பட வேண்டும்.
- ஏதாவது சம்மபளத் திருத்தம் ஒன்றுக்கான சுற்றிக்கை வெளியிடப்பட்டு அந்த சம்பளத் திருத்தம் செல்லுபடியாகின்ற தினம் அந்த சுற்றறிக்கையில் குறிப்பிடப்படாத போது அந்த சம்பளத் திருத்தம் வௌியிடப்படுகின்ற தினமே அந்த திருத்தம் நடைமுறைப்படுத்தப்படுகின்ற தினமாகக்கொள்ளப்படும்.
- லீவு அனுமதி பெற்றுக்கொள்ளாது சேவைக்கு சமூமளிக்காத தினங்களுக்காக எந்த வகையான ஒழுக்காற்று நடவடிக்கைகள் மேற்கொள்ளப்பட்ட போதிலும் அந்த சமூகம் தராத தினங்களுக்காக சம்பளம் வழங்கமுடியாது.
- பணித் தடை விதிக்ப்பட்டுள்ள ஒருவரின் சம்பளம் தொடர்பான தீர்மானங்கள் தாபனக் கோவையின் VII ஆம் அத்தியாயத்தின் 7 வது பந்தியின் அடிப்படையில் மேற்கொள்ளப்படவேண்டும்.
- அரச சேவையின் அனைத்து பதவிகளுக்காகவும் சம்பளத்திட்டங்கள் அமைக்கப்பட்டிருக்கின்றன. 2006.01,01 ஆம் திகதி முதல் அமுல்படுத்தப்பட்டுள்ள 06/2016 சுற்றுநிருபம் மற்றும் அதன்பின்னர் வௌியிடப்பட்ட திருத்தங்கள் மற்றும் 03/2016 சுற்றுநிருபத்தின் ஊடாக அறிமுகப்படுத்தப்பட்டுள்ள சம்பளக் குறியீடுகள் தற்போது நடைமுறையில் காணப்படுகின்றது. அதன் அடிப்படையில் 2006.01.01 ஆம் திகதிக்கு முன்னரான காலப்பகுதியில் சம்பத்திட்டமாக வருடாந்த சம்பள அடிப்படையிலேயே குறிப்பிடப்பட்டுவந்தது. 2006.01.01 ஆம் திகதியின் பின்னர் மாத சம்பள அடிப்படையிலான சம்பளத்திட்டங்கள் அமுல்படுத்தபப்பட்டுள்ளது. அதன் அடிப்படையில் அரச உத்தியோகம் பெறுகின்ற ஒவ்வொருவரும் அரச சேவையில் காணப்படுகின்ற சம்பளக் குறியீட்டு இலக்கம், சம்பளத் திட்டம், போன்ற விடயங்கள் தொடர்பில் ஓரளவேனும் அறிந்திருப்பது அவசியமாகும்.
சம்பளக் குறியீட்டு இலக்கம்.
தற்போது நடைமுறையில் காணப்படுகின்ற சம்பளக் குறியீடு மற்றும் அவற்றுக்கான பதவிகள் தெடர்பிலான சில உதாரணங்கள் கீழே தரப்படுகின்றன.
PL- ஆரம்ப மட்ட சேவை (சாரதி, காரியாலய உதவியாளர போன்றன)
MN- முகாமைத்துவ சேவை உத்தியோகத்தர், அபிவிருத்தி உத்தியோகத்தர் வே
MT- தொழிநுட்ப உதவியாளர், தாதி, ஆரம்ப வைத்திய சேவை
MP- பதிவுசெய்யப்பட்ட / உதவி வைத்திய அதிகாரி
SL- இலங்கை நிர்வாக சேவை போன்ற பதவி நிலை உத்தியோகத்தர்கள் மற்றும் வைத்திய உத்தியோகத்தர்கள்
RS- பொலிஸ்
GE- இலங்கை ஆசிரியர் அதிபர் ஆசிரிய ஆலோசகர் சேவை
SF- நீதிபதி, சொலிசிடர் ஜெனரால்
இந்த அடிப்படையில் அரச சேவையிலுள்ள அனைத்து பதவிகளுக்குமான சம்பளக் குறியீடுகள் காணப்படுவதுடன் அவற்றுக்கான சம்பளத்திட்டங்களும் காணப்படுகின்றன.
உதாரணமாக முகாமை சேவை உத்தியோகத்தர் பதவிக்கான
சம்பள குறியீடு - MN2 -2016
சம்பளத் திட்டம் 28940 - 10x 300 - 11x350 - 10x560 - 10x660-47,990
இந்த சம்பளத் திட்டத்தினுல் முகாமை சேவை உத்தியோகத்தர் பதவியின் III ஆம் II ஆம் I ஆம் தரங்களுக்கான சம்பளங்கள் உள்ளடக்கப்பட்டுள்ளது. மேற்குறிப்பிடப்படுகின்ற சம்பளத்திட்டமானது குறித்த ஒரு பதவிக்காக மேலதிகக் கொடுப்பனவுகள் தவிர்ந்த ஆரமம்ப சம்பள மட்டம் அடுத்த சம்பள படியேற்றங்கள் மற்றும் உச்ச சம்பள அளவுகள் இந்த சம்பளத்திட்டத்தில் குறிப்பிடப்பட்டிருந்கும்.
ஆசிரியர்களின் புதிய சம்பளத்திட்டத்துக்கான அட்டவணையினையை கீழ்க்குறிப்பிடும் லிங்கில் கிளிக் செய்யது பார்வையிடலாம்.
சம்பள அட்டவணை
ஒவ்வொரு சம்பளப் பரிமாற்றங்களுக்கான சுற்று நிருபங்கள் வௌியிடப்படும் போது 100 க்கும் அதிகமான பக்கங்களுடன் அனைத்து பதவிகளுக்குமான சம்பளங்களை வகைப்படுத்திய அட்டவணைகளை உள்ளடக்கியதாக வௌியிடப்படுவதுண்டு. இந்த அட்டவணையினைப் புரிந்துகொள்வதற்கான இலங்கை ஆசிரியர் சேவையின் சம்பள அட்டவணையினை இங்கு இணைத்துள்ளேன்.
இங்கு குறிப்பிடப்படுகின்ற சம்பளத்திட்டங்களுக்கு அமைய ஆசிரியர்களின் சம்பள அட்டவணையில் இவ்வாறு உள்ளடக்கப்படுகின்றது.
சம்பள அட்டவணையில் அதன் நிரல்கள் இலக்கமிடப்பட்டிருக்கும். அந்த வகையில்
நிரல் 1 - ஆண்டுகளின் எண்ணிக்கையினைக் குறிக்கும்
நிரல் 2 - சேவைக் காலம் குறிப்பிடப்படும்
நிரல் 3 - குறித்த சேவையின் தரம் குறிப்பிடப்படும்
நிரல் 4 - முதல் நியமனம் பெறுகின்றது முதல் வருடாவருட சம்பளப் படிநிலைகளும் பதவி உயர்வு பெறுகின்ற போது கிடைக்கின்ற சம்பள நிலைகளும் குறிப்பிடப்படும்
நிரல் 5,6 மற்றும் 7 - ஒரு பதவியிலிருந்து அடுத்த நிலைக்கு பதவி உயர்வு பெறாத போது அவசருக்கு வழங்கப்படும் சம்பள நிலை இந்த நிரலில் குறிப்பிடப்படும்.
அந்த அடிப்படையில் இலங்கை ஆசிரியர் சேவைக்குரிய GE -1-2016 எனும் சம்பளத் திட்டத்தின் சம்மபள நிலைகள் எவ்வாறு அட்டவணைப்படுத்தப்படுகின்றன என்பதனை நோக்குவோம்.
GE 1-2016 27,740 - 6 X 300 - 7 X 380 - 2 X 445 - 33,090
குறித்த சம்பள திட்டமானது இலங்கை ஆசிரியர் சேவையின் 3 II, 3I (இ), 3I (ஆ), 3I (அ) எனும் தரங்களுக்குரிய சம்பள நிலைகளை உள்ளடக்கப்பட்டுள்ளது. அதாவது ஆசிரியர் சேவையின் 3 II, ஆம் தரத்தில் நியமனம் பெறுகின்ற ஒருவருக்கு அவரது ஆரம்பச் சம்பளமாக 27,740 வழங்கப்படும். இவ்வாறு 3 II ஆம் தரத்தில் நியமனம் பெறுகின்றவர்களுக்கு 300 ரூபா வீதம் 6 படியேற்றங்கள் (increments) வழங்கப்படும். இதனையே அட்டவணையின் 4ம் நிரலில் 1 ஆவது வடருத்திற்கு நேராக 27,740 என்பதாகவும் அதனுடன் 300 ரூபாய் வீதம் சேர்த்து 27,740 +300 = 28,040, + 300 = 28,340 . +300 = 28,640 என்ற அடிப்படையில் அடுத்த 6 வருடங்கள் வழங்கப்படும். அவ்வாறு 6 வருடங்களின் முடிவில் கிடைக்கின்ற சம்பள நிலையாக 29540 குறிப்பிடப்படுகின்றது. இந்த தொகை தொடக்கம் அடுத்த 7 சம்பளப் படியேற்றங்கள் கூட்டுகின்ற தெகை வரையான படிநிலைகள் இலங்கை ஆசிரியர் சேவை 3I (இ) மற்றும் 3I (ஆ) தரங்களுக்கான சம்பள நிலைகளாகும். அதற்கு அடுத்து வருகின்ற நிலை 3I (அ) தரத்திற்குரியதாகும்.
இதன் அடிப்படையில்தான் ஆசியர்களை பதவிக்கு இணைத்துக்கொள்ளப்படுகின்ற விளம்பரங்கிளில் பதவிக்கான சம்பளத் திட்டத்தினைக் குறிப்பிட்டு ஆசிரியர் சேவையின் 3 II, தரத்திற்கு 1 வது சம்பள நிலை வழங்கப்படும் எனவும். ஆசிரியர் சேவை 3I (இ) , 3I (ஆ) மற்றும் 3I (அ) ஆகிய தரங்களுக்கு முறையே 7 ஆம் 9ஆம் 14 ஆம் சம்பள நிலைகள் வழங்கப்படும் என்பதாகக் குறிப்பிடப்படுகின்றது.
இங்கு இன்னும் ஒரு விடயத்தினையும் புரிந்துகொள்ள வேண்டும். இலங்கை ஆசிரியர் சேவையின் 3 II ல் பதவி பெறுகின்ற ஒருவர் தனது 6 வது வருடம் பூர்த்தியாகும் முன்னர் அடுத்த தரத்திற்கான தகைமைகளைப் பெற்றுக்கொண்டு பதவி உயர்வினைப் பெறுகின்ற போது அவர் தகைமை பெறுகின்ற திகதி முதலே அடுத்த தரத்திற்கான ஆரம்பச் சம்பள தரத்தினைப் பெறுகின்றார். அவ்வாறு அறு வருடங்களில் அவர் பதவி உயர்வினைப் பெற்றுக்கொள்ளாத போது 5 ஆம் நிரலில் குறிப்பிடப்பட்டுள்ள 29540 என்று ஆரம்பிக்கின்ற தெகையினை ஆறாவது வருடம் முதல் பெற்றுக்கொள்வார். இவ்வாறு 10 வருட காலத்திற்கு 300 ரூபா வீதம் சம்பள ஏற்றம் பெறுவார். இறுதியா 32,240 ரூபா எனும் உச்ச சம்பள அளவினை அடைந்த பின்னர் அவருக்கு அதற்குமேல் சம்பள ஏற்றங்கள் வழங்கப்படமாட்டாது. அவர் அடுத்த தரத்திற்காக பதவி உயர்வுக்கன தகைமைகளைப் பெறும் வரை அல்லது ஓய்வு பெறும் வரை இந்த சம்பள அளவையே பெற்றுக்கொள்வார்.
இதே அடிப்படையில் இலங்கை ஆசிரியர் சேவை 3I (இ) தரத்தில் நியமனம் பெறுகின்ற டிப்லோமாதாரிகள் உரிய காலத்தில் பதவி உயர்வுக்கான தகைமைகளைப் பெறாவிட்டால் அவர்கள் பத்து வருட முடிவில் 6 ஆம் நிரலில் இருக்கின்ற சம்பளங்களைப் பெறுவார்கள். அதன் உச்ச சம்பள அளவு வந்ததும் அதன் பின்னர் சம்பள ஏற்றங்கள் இடம்பெறாது.
ஆசிரியர் சேவையின் 3 II மற்றும் 3I (இ) இல் இருப்பவர்கள் பட்டம் ஒன்றைப் பெறுவது ஊடாகவோ அல்லது ஆசிரியர் பயிற்சி பெற்றுக்கொள்வதன் ஊடாக மாத்திரமே தங்களது அடுத்த தரங்களுக்கு செல்ல முடியும் என்பதனால் இவர்களுக்கு உச்ச சம்பள அளவு என்ற சிக்கல் காணப்படுகின்றது. ஆனால் ஆசிரியர் சேவையில் 3I (ஆ) முதல் I ஆம் தரம் வரையில் பதவி உயர்கள் சேவைக்காலத்ததை வைத்தே இடம்பெறுவதனால் இவர்களுக்கு இந்த பிரச்சினை ஏற்படுவதில்லை
சம்பளப் பரிமாற்றங்கள் குறித்து அடுத்த பதிவில் பார்க்கலாம்.
தகவல்களை உடனுக்குடன் பெற்றுக்கொள்ள எம்முடன் இணைந்திருங்கள்
எமது வட்சப் குழுக்கள்
